Kwento ko lang yung TOP 1 ng MAY 2011 CPA board exams?
Nagspeech kasi siya nung oath taking. And super nakaka-inspire yung story niya, nakakaiyak. So isi-share ko siya sa inyo para ma-inspire din kayo. :)
Ganito ang story:
Marwin Agamon Baldevia came from a poor family. Ang gusto niya talagang course ay BS Education in Math. Pero ang problem, nadisolve na yung course sa school kung san siya mag-aaral. So since wala siyang choice, ACCOUNTANCY na lang ang kinuha niya.
Since wala siyang pang-aral, nagworking student siya sa school na yun. Naging part siya ng mga janitors. Na-assign siya na maglinis ng CR para sa mga lalaki. Hanggang sa napromote siya at naging checker ng attendance ng mga professors (something like that).
Sumasali siya sa iba’t ibang organizations at naging leader. Sumali sa iba’t ibang competitions at nananalo naman. Nagta-top siya sa Mock board. Kumusta naman yun? Henyo! Hanggang sa naggraduate siya with Latin honors. Siya ang kauna-unahang working student doon na SUMA CUM LAUDE (faint).
Then nagreview siya sa RESA (review center kung san ako nagreview). Sa dalawang preboard examinations, lagi siya kasama sa mga nagta-top.
One week before actual board, nagpunta siya sa Quiapo at nagdasal. Sabi niya kay God,
“Lord, magkasama tayo sa laban na to. Kahit po pumasa lang Lord masaya na ako. To you Lord I entrust and surrender everything.”
Come result day, super kabado na daw siya. Nagpunta siya sa iba’t ibang simbahan. Tapos may nag-approach daw sa kanya na taga-UST na kasama niya sa review, ang sabi,
“Congrats Marwin!”
Tapos sabi niya,
“Teka teka, wag mo munang sabihin kung ano ang result, gusto ko ako ang tumingin.”
Pero masayang masaya na siya nun, kasi alam niya na pasado na siya. So nagpunta siya sa RESA para tignan ang results. Tapos tinitignan na siya ng lahat. Nilapitan siya ng isang reviewer, sabi ni Marwin,
“Sir, nakapasa po ba talaga ako? Totoo po ba yun?”
Tapos hindi nagsalita ang reviewer at pinakita lang ang papel sa kanya. At nakita niya, TOP 1siya! (nakakaiyak to promise)
Tapos napaluhod daw siya at nag-iiiyak.
So sa speech niya, andami niyang pinasalamatan. Ang gusto lang niya ay pumasa, pero nagtop pa siya. Makikita mo na deserving siya talaga. Super inspiring.
Bago matapos ang speech, nag-iwan siya ng ilang quotes.
“God’s NO to a prayer is a BIG YES to a greater plan.”
“God’s plan is greater than our dreams, God’s love is greater than our disappointments.”
At ang pinakahuli, kumanta siya ng isang line sa song.
“MANGARAP KA, MANGARAP KA, DINGGIN ANG TAWAG NG IYONG LOOB.”
